السلام عليكم
علابالي بلي تدخلو ربي يخليكم ان شاء الله انا واحد كون لقيت عنوان كيما هذا ندخل والله ههههههههههه
ايا جبتلكم قصيدة على فلسطين وان شاء الله تعجبكم
فلسطـــــــين اليوم ............... فلسطين غدا ................ فلسطين للأبد
* رحت وحدة وحدة نشعل التلفزيون * حبيت نشوف ونسمع اخبار الغــــــــــــــزاويين
* نشوف المعاناة تع خاوتنا المنكوبين * اللي راهم من القصف والعدان مراهمش سالكين
* وانتم ياعرب مراكمش تشوفو الذراري مساكين * ولاو كل ساعة يموت طفل وانتم مكتوفي اليدين
*علاه علاه هكا في عماركم واش راكم دايرين * خاوتكم يموتو كل يوم وانتم بيهم موش حاسين
*والجيش اغتنم الفرصة كي لقاكم موش متضامنين * راهم يديرو واش حبو راكم قدامهم كي المسجونين
* قولولي شفتو الذراري واش صاريلهم مساكين *شفتوهم كي راهم يروحلهم اليدين والرجلـــــــين
* بصح رغم كل هذا الشيء وراهم صابرين *علابالهم اللي يصبر ينال ويكون هو من الفائزين
* حنا نفتاخرو بيكم ورانا معاكم مساندين * حنا صح جزائريين بصح دمنا دم الفلسطينيين
* كون لقينا كيفاه رانا معاكم مجاهدين *وبإذن الله تعالى راكم من المنصــــــــورين
*وربي وكيل المصاروة المنافقين * اللي راهم مبلعين المعبر على خاوتهم المسلمين
* وراهم واقفين مع الاسرائليين * قالولهم انتم اقتلو الداخل وحنا رانا برا مسيطرين
* مراكمش تشوفو الموت تع الابرياء والمدنيين *ولا انتم تقتلو القتيل وتكونو في جنازتو ماشيين
* ماشي هكا قالنا رب العباد رب العالمين * قالنا كون مع بعضاكم اخوة مومنين متماسكين
* ونحيي رجال المقاومة المناضلين * اللي راهم على بلادهم يضحو وفيها شادين
*وواقفين كي الرجال ومن الموت موش خايفين * ماشي حالة العرب اللي راهم ساكتين
*بصح معليش النصر يجي من عند رب العالمين * وبإذن الرحمان الرحيم راكم من المنصورين
* هذو الكلمات صح كتبوهم يدين * بصح راهم من الــــــــــــقلب خارجين
*نقول فيهم لأهل غزة المظلومين * راني نقوللهم تحيا فلسطين ومعاكم وفيكم شادين
*وفي الأخير العود المتين يبقى ديما متين
وادعو معانا ربي ان شاء الله ينصر فلسطين ان شاء الله
وانشاء الله تكون نالت اعجابكم يارب والسلام عليكم
الرئيسية
موضوع: اذا كنتو رجالة ولا نساء ادخلو !!!!!!!! مي اذا دخلتو متندموش 
