شوفو معايا هدي القصيدة .

ممكن اغلبيتكم علابالكم بيها لكني راني متغششة بزاااااااااااااااااااااااااااااااااااف وكي قريت هدي ريحت صح هههههههههههه

نصحوني مرة صحابي بالزواج ... و قالولي بركاك من التعواج

راهي رايحة تديك المواج ... إذا بقيت في العزوبية

بقيت نطلع في الحساب ... و لقيت كلامهم صواب

و في الغد بعثتهم نواب ... يطرحوا لأهلي القضية

بابا وافق في الحال ... و قال نجيبوا بنت الخال

و يما جاها في البال ... يخطبولي وحدة بدوية

تفاهمنا على بنت المدينة ... قالو فاهمة ورزينة

راهي تمخمخ في الكوزينة ... وتطبخ طبخات زينة

عولنا وقصدنا الدار ... حاملين في يدينا النوار

ودرنا وحنا زوار ... قاصدين بنت معينة

الخال في بنتو شكر ويزيد ... قارية وما تركتش المسيد

وصحيحة كي الحديد ... بنت العلم والتربية

قلت واش هي الشروط ... راني صرت ليكم مربوط

ومالي عندكم محطوط ... ونزيدلكم الشهرية

قالي يا وليدي سجل ... 20 صباط باش تبدل

و 50 سروال مفصل ... و يكونو ضيقين شوية

وزيد كيلو ذهب صافي ... تجيبو وانت زاهي

والشنتوف ما هو كافي ... راني درت فيكم مزية

بنتي راهي غاية وشريفة ... ما تتركش يدها خفيفة

20 خاتم في القفيفة ... تحطهم في يدها هي

وسلسله غاليه ما تنساش ... والمليون لازم يكون معاك

والحايك مرمة لازم تلقاه ... وتقدمو لبنتي هدية

قالي يا السي موووح ... بلاك تنسى خيط الروح

باش يزيد لبنتي الروح ... تبقالك ديما حية

تشريلها عشر كباش ... والدجاج مشوي ما تنساش

وزيدلها مترا قماش ... هادي حاجة رمزية

بنتي ما تضربش النشاف ... ومن الحمام تخرج بالتلحاف

وشعرها جيبلو حفاف ... وتزور sa mère كل عشية

الطفلة نطقت ملهيك ... يا بابا لازم تنهيه

يتركني نحكم فيه ... ويمشي معايا بالنية

قالي الشرط ما خلاص ... نقراو الفاتحة قدام الناس

قلتلو راني لباس ... ومنين نهرب يا خويا

درنا العرس نهار الخميس ... وكثر فيه الهراج والتهراس

المطرب يخلط على الناس ... والدرباكي يعفس تعفاس

والجمهور راهو نعاس ... والبراح يبرح شوية

جابو العروسة للبيت ... كي شفتها من الخوف بكيت

شعرها على الطابلة محطوط ... وراسها من الشعر مزبوط

رافدة معاها عشر قطوط ... تلعب لعبة هزلية

لقيتها مركبة قطع غيار ... شعرها وحواجبها ولشفار

و كي ضحكت كل شيء طار ... هادي ماركة عصرية

قالت لازم نبقى حرة ... ويماك لازم ترميها برة

وما تكثرش الهدرة ... أنا طفلة متحضرة

قلت يا امرة لازم تفهمي ... ترفدي حوايجك و اخطيني

هدي عقلية d(دوار)dz(دزيرية )هههههههههههههههههههههه

السلام عليكم ورحمة الله وبركاته
ألف شكر لكَ على هذا الموضوع المميز و المعلومات القيمة
إنـجاز أكثر رائــــــع
لكن أرجو منكَ عدم التوقف عند هذا الحد
مـنتظرين ابداعتــــــك
دمتـ ودام تألقـك
تحياتــي

السلام عليكم ورحمة الله وبركاته
ألف شكر لكَ على هذا الموضوع المميز و المعلومات القيمة

شكرا لك

» القصيدة المتوحشة هههه أدخل وشوف هاته القصيدة مع لطفي أنشتاين غير الجديد وخررررررجة جديدة واو واو واو واو ؟
» شوفو يا ناس!!شوفو هذه الحافلة في اليابان!! شوفو وخبروني
» شوفو يا ناس!!شوفو هذه الحافلة في اليابان!! شوفو وخبروني
» ارواح تشو معايا
» يا لاه اضحكوا معايا ههههههه