تذكير بمساهمة فاتح الموضوع :
السلام عليكم ورحمة الله وبركاته
صباح /مساء الخير للجميع
ليوم حبيت نخربش شويا ايا قلت نديرلكم موضوع اذا عجبكم عجبكم واذا معجبكمش لازم يعجبكم هه
على امل ان اتلقى منكم الردود المشجعة او الغير مشجعة المهم ردود ههه
المهم الموضوع مخلط شويا حبيت نعرفكم على شخصيتي وعلى شخصية أشخاص تعرفت عليهم
المهم نبداو:
حياتي ليست تعيسة بل حلوة كالهريسة
هل تريدون معلوماتي؟؟؟اذا تصفحو بياناتي او اقراو خرويطاتي:
انا عاشقة والدي اذهب للثانوية صباح وعشية الا في الفراغات والعطل الصيفية :lol:
وكي ندير خماري نضرب فيه سويعات وفي الأخير يطلع كالشيشية :lol:
وكي نلبس الطابلية نبان شايب بالقشابية
وكي نمرض يداويوني بليباري والعشاب الطبية
عاشقة والدي تكره الدراسة وتفضل تكون أمية على ان تقوم بالواجبات المدرسية :lol:
كي نعود نهدر نبان طاليانية بصح vــريمو انا المهبولة خولة
وهكذا بزايد عليكم وعليا وخلينا من عاشقة والدي
ونروحو لخويا هشام:
هذا لاعبهالكم بالفوطوات لي يشوفو يقول متثقف وعندو كات كات
بالصح هو ما عياو يدزو فيه بالبرويطات
كي تقرا عنوانو تقول خلات وكي تدخل تندم وتقول علاه الصفحة جات
وبلاماننسا حبيبة وضو قلبي (يعني لامب تريك تاعي هه) سوسو (سعيدة):
النهار الاول لي عرفتها قلت خلاص من اليوم نعرف معنى الإخلاص وقضيتنا رح تتطور ومنلقاولهاش نهاية خلاص
تحملت حبها وتمهبيلها حتى قلبي تـgــاس وفي آخر المطاف صرت نتوحشها وبيها مانتلاقاش
واميرة حبيتها من أعماق قلبي وكي نتوحشها نوض نبكي (زعما برك ههه) ولي غاضتني متلاقيناش من
العام لي زاد جدي
وخونا العضو امين جاك حاسبينو بيكاسو وبالأعوام باه يمتعنا بالجديد تاعو
ولالاهم تقوى دايرا روحها تقرى بصح بلاصتها الكوزينة ولا تحلب البقرة
وخوانجيتنا المتدينة ??? الفحلة نشيطة كالنحلة وتدبر عليا دباير كحلة تقلي بطلي لقراية وهي معلابالهاش بلي هكاك الحالة عليا تخلا
وهكذا الظاهرة بزايد اتمنى تعجبكم خرويطاتي ياي متلومونيش كرهت من هم الامتحانات قلت نجي نتفلسف عليكم شويا
ونحي دمار الزيروات لي يستناو فيا
والسلام مسك الختام
آآآآآآآآآآآآآآآآآآآآو متنساوش الردود ولا ندير كيما دات ختي مادارت والو ههه
وبمانسبة ال :والو
قالك طفل صغير ظل يسمع في الضجيج لبرا مالا قال لناناه :نانا خفت... راحت فتحت الباب وقالتلو هاه ماكان والو
ايا من هذاك النهار الطفل يخاف من الوالو قالك مرة قال لامه واش كاين تحت السرير قالتلو والو.. طار يجري
عاااشقة والدى
الرئيسية
موضوع: موضوع من خربشاتي ...انصحكم بعدم الدخول 
